最近睇番《溏心風暴》,得得哋為左幫佢細佬,私自挪用公司o既錢而俾屋企人責怪,又連累到心儀的常在心無左份工,於是同自己講左一句說話:「甜的吃，苦的也吃」見到佢咁委屈心中有點酸酸的,但如果我係佢,我又會點做呢? 會將件事同家人坦白(即係出賣細佬),定係自己一個啃左佢(有口難言)? 就係因為佢會交個心出泥,為朋友捱義氣,幫人幫到底,唔介意付出,所以深得人心,好人有好報,最後得償所願同到鍾意o既人一齊. 雖然只係虛構o既劇情,但我相信個天係公平的,o係你吃過好多好多苦後,一定會有番相等的甜. 要做到的就係努力捱過中間果段好難行的路.
我在想,我依家有冇咩苦事要吃呢?
再苦都只係畢業去完旅行留在家,在嚴密o既監視下,唔太自由地睇下電視,承受想放假休息,但應該係時候找工作的矛盾和壓力. 其實比起好多其他人即係一點都唔苦...我真係要好好珍惜現在呢一刻. 這種生活是一種一點也不理所當然的幸福.
沒有留言:
張貼留言