當然唔可以俾自己白白咁浪費呢個咁美好的sem break啦!
所以就約埋ceci一齊去澳門2日1夜旅行,一個我只係o係大概十歲時同屋企人去過一次的地方~
還記得果時爸爸參加左當地小型旅行團,導遊帶我地參觀左大三巴,觀音像,媽閣廟等必去o既景點,仲有葡京賭場,因為我唔入得,佢地就輪流陪我o係機鋪打機,haha
好多年後的今天,我終於再次踏足澳門了!
午餐係即叫即做o既豬扒包(MOP$22)同駝鳥肉包(MOP$24),連個包都係又熱又脆架!!
同埋咖喱丸同菜
位於新馬路,好多野食的大堂巷
議事亭前廳
逛街時買左個naraya袋(MOP$160)俾自己做澳門的手信(偷笑)
亂咁行到大三巴,天氣真係好好呀,就像夏天一樣的熱
跟住去左松山燈塔,高處飽覽澳門多個地標,包括觀光塔,新葡京同氹仔大橋
行完山實在太累,所以大概5點時就番氹仔check-in今晚入住的喜來登酒店
不論大堂,走廊定房間都好靚同舒適
夜晚揾巴士站去餐廳時路經威尼斯人渡假村
成個迷宮咁令我們蕩失路左超過半小時......
最後都係死死地絛搭shuttle bus去港澳碼頭再轉的士,
晚餐係內港餐廳的正宗葡國菜
有葡式海鮮湯,忌廉焗馬介休,焗鴨飯,燒豬肋骨,食到好飽啊!!!
仲點左好香濃的朱古力奶(MOP$36)
佢係分開可可同低脂奶上的,有成四杯分量,抵飲!
番到酒店,口渴得濟去左TWG, also known as Palm飲野
我要左杯cocktail - cranberry affairs(MOP$67 including 10% service charge & 5% gov tax)
第二日一早起身去3樓的food court食早餐,麻麻地o既三色椒磨菰奄列(MOP$38)
仲專登試左TWG的carrot cupcake(MOP$36),延續我對Melbourne的思念
第一站係金沙,忍唔住試下手氣買大細仲贏左$150 (YEAH!!!開心到爆)
跟住去漁人碼頭,但因為無乜特別,就去左機鋪打機 : P
然後行左好好好耐,尋找位於冼星海大馬路我好想食的法國餐廳,可惜已經唔存在
最後o係呢間日西料理食半自助餐(MOP$128),不錯吃的!
下個目的地係通訊博物館,由碼頭沿住海邊一直行,跟住"爬"上山...真係少d毅力都去唔到
入場費(MOP$10),成間館唔計工作人員得我地兩個@0@
入面介紹了電話的歷史,電,仲有同郵件有關的事,幾有趣的
自製郵票中
o係臨走前去埋宮也街買手信就搭船走了
食左馳名的朱古力木槺布甸,少少地買左包車厘哥夫紐結糖同鉅記薑糖.
今次呢個旅程好順利,雖然天氣好熱,又行左好多路,但成功去左大部份想去的地方,我發現原來我map reading skills真係超強!(去澳洲時都係^^),唔識時就問人,時間都預得幾好!
除左善用當地酒店同娛樂場o既shuttle慳番唔少車馬費,都搭左幾次巴士同兩次的士,一般巴士車費都係MOP$3.2,
同時我知道左原來澳門係唔收港幣$10的,下次要記得準備多d散紙
船飛酒店package$842,無乜就住的食物車費手信$901.4=$1743.4,
整個trip花費係預算budget之內呢,唔錯唔錯~~
To do list: sem break去旅行,check! 哈哈
沒有留言:
張貼留言