好人好事

香港連續唔知幾多日不停落雨,實在令人有種「我的天空今天有點灰」的心情...
不過天氣點壞,街都係要出,野都係要食的.
星期日晚屋企得番我一個,又唔想煮(因為唔想洗),平日多數叫外賣/搭車出大商場買晚餐的我,十分難得地決定行落街買.
本身見個天停左雨,就博下唔帶遮,點知世事就係咁,你決定唔帶遮時,偏偏一落街就會忽然下大雨,咁唯有死死地氣番家拎啦.
剛踏出屋苑範圍就見到有個女人企左o係巴士站又想行又唔想行,
碰巧同我有幾下眼神接觸,我下意識走過去問佢: 「不如我遮你?」
之後佢笑笑口同我解釋自己都打算等無人時衝過去,我就話:「唔緊要啦,我還掂得閒」
分別之前佢仲向我連聲道謝.
其實我只係做左一次小小的主動,換來卻是幫助人後一整晚的快樂

晚餐食左大快活的鐵板西冷牛扒餐($62),味道非常麻麻...唔會再食了-.-"