大榮華

今晚姨姨帶我地,公公婆婆等人去元朗大榮華酒樓食晚飯
媽媽,姐姐同我四點就o係屋企出發,點知八個字就入到元朗,
一落車就見到食蛇o既鋪頭,於是大家就忍唔住入左去,
媽咪同姐姐分別食龜零膏同蛇羹,而我就飲蛇湯.
踏入大榮華酒樓,裏面傳統o既裝潢同擺設俾我感覺好似回到舊式茶樓
只係五點半已經有人o係到等位

酒樓o既環境


我地今晚點左九大簋餐,餸菜包括:
圍頭五味雞

隻雞肉質好滑又彈牙,同醬汁o既味道好夾

香茜燒米鴨

芋頭扣肉

芋頭軟硬適中,加埋豬肉o既香味,讚!

時菜鯪魚球


仲有梅子蒸烏頭,糖醋酥肉青,陳皮豆豉蝦,蠔油生菜炆北菇,雜錦炒菜絲

甜品係奶皇水晶飽同麥米粥
除此之外,今晚仲食左以下呢樣野:
砵仔飯


加適量o既燒豬油同頭抽

香噴噴o既砵仔豬油撈飯就整好啦

雖然好好味,不過都係少吃為妙!

整體泥講,我覺得大榮華餸菜款式唔多,亦唔特別,

但勝在材料夠新鮮,食物o既味道都好好,而且價錢唔算太貴,

想食圍村菜o既朋友可以一試!