凍菊花茶的威力

沈日本身想食自己準備o既乾糧當午餐,但因為太肚餓,已經破戒食左canteen 嘅半肥瘦叉燒飯,之後見到同學仔買左檸檬茶,自己又心思思,思前想後,都係忍唔住買左包凍菊花茶,心諗無咁容易出事嘅.

今朝訓醒都無事,點知10點就開始泥料啦..個肚忽然愈來愈痛,雖然食左藥但效力遲遲未到,仲嚴重到到咩都做唔到,o係床上碌泥碌去後來搽左藥油,敷住熊仔暖水袋一直訓到1點半先好d咋!

自從經歷過年初三一連幾日o既腸胃不適,我都唔敢食得太放肆,生怕身體會受唔住而再次病倒估唔到今次又因為饞嘴而整到自己肚痛真係唔可以睇小一包凍菊花茶!我依家一邊上網一邊敷緊暖水袋,希望肚仔唔會再痛啦,我知錯了

o係我生病時陪伴我的熊仔暖水袋