我剛渡過了人生中最漫長的一個考試,最可怕嘅係,我將要面對多三次或者比這更艱辛的考試。
12月12至24日總共考7科,而頭五日就已經要考4科......
我覺得ob同hrm考得最好,mis比想像中好得多,但係law同mkt就真係考得好差,呢兩科我都有好俾心機去溫,可以合格我就已經心滿意足了:> <:
至於淨低唔計gpa嘅科目,pe超水準表現,但我有啲擔心critical reasoning...
求天父讓我全科合格!
以前我每科考試範圍嘅notes連睇都未必會睇晒,但今次我只有一科無溫晒;
以前考之前一晚都遲遲唔願溫,今次最早兩日前就認真將重點記入腦了!
平均每晚1點訓,第「朝」5點起身(最早試過4:30am!!)
我覺得自己真係改變左,唔知係因為去左新學校,面對新環境同競爭對手,唔想讀唔成reg左的mentoring program(讀唔讀呢科唔緊要,但如果無收我就代表我成績係班入面中下游),定因為考試時間比過往少左一個鐘而有壓力呢?
無論點都好,我覺得呢個改變係好的,但最理想緊係平日都會溫習啦.
我從今次考試強烈感受到之前有溫過,定時溫習同無咁做嘅分別,就係能夠快同容易啲記入腦!
第一次平安夜都要考試(仲要係pe!),同埋考完試生病..
剛踏入聖誕節我就從睡夢中扎醒,一坐起身就直接衝入洗手間作嘔,但又嘔唔出,個胃浪下浪下勁辛苦,之後仲肚痾添,跟住我惡夢的一天就展開了~
朝早起身時頭重重,不停流鼻水,整個人都手軟腳軟,連行步路都企唔直,咩都唔想食,一食少少粥個胃同肚就唔舒服,一整天都在睡睡睡,好勉強先訓到一個鐘...
幸好到夜晚好一點點,起碼仲有精神睇vcd同識得笑
我要快點好番呀! 咁俾心機考完試要好好享受假期同2011年最後的一星期^^
沒有留言:
張貼留言