行緊去酒樓飲茶時,見天氣咁好就同媽咪講:「今日太陽唔曬,又涼涼地,真係好適合踩單車呢」點知出乎意料地,媽咪興緻勃勃話一於食完飯踩單車入大埔~
本身諗住o係大圍租單車的,但知道要成$90一日就改去火炭租($40),3點幾正式出發
今日係清明節,加上好天氣,好多人踩單車,o係沙田城門河條單車徑更加好似排隊咁.
不過都好開心,因為真係好耐無同過媽咪踩單車喇,距離上次足足十年!
雖然大部份時間都係各有各踩,但沿途休息時我地一齊食富豪雪糕同燒賣,感覺好難得
媽咪知道左後好驚訝,仲同我約定: 「咁我地十年後再一齊踩啦!」叫我記得提佢,哈哈
我記得大概係小學3年班,媽咪教識我踩兩個碌單車,自始我就好鍾意呢項活動,
亦因為咁,細個果陣有好一段日子,我o既願望係想擁有一部單車.
媽咪時不時就會帶我去租$10/hour o既單車,
然後o係公園睇住我兜泥兜去1-2個小時,我踩到攰果陣就去媽咪到拎水飲;
有時踩踩下個天好似想落雨,我會o係心中默默祈禱希望可以繼續踩..好懷念呢
我對呢一切一切都好感恩,因此我想將呢首歌送俾好錫我的媽咪~
沒有留言:
張貼留言