沈日返學遲左出門口,首先一落街就發現自己電話0%電,連機都開唔到,緊接係無帶鎖匙,一心諗住搭邨巴出新城市先轉巴士可以追番d時間啦,點知等左好耐都無車,上左車後發現同時有一架49x出緊沙田,就記住個車牌號碼"GR 97XX",如果我陣間搭果架巴士唔係呢個車牌就即係成功搭早一班車.
點知個邨巴司機唔知發咩吽竇,開車開得好慢,而且每次都慢人幾拍先踩油,有次仲要唔知轉左燈,o係條碼路到停低成分鐘! 差唔多去到大會堂時,我見到後面有另一架49x,於是一落車就跑,但最後架巴士都o係我眼前開走左...
到下一班車泥到,我望一望個車牌,映入眼簾的是..."GR 97XX"......
原本以為自己已經黑到盡頭
今日返早,6點起身7點出門口,未夠鐘我已準備好晒,飯盒okay,手機叉好電,銀包鎖匙八達通都帶齊,心諗「唔! 今次實無死啦! 」
巴士唔算太多人,感覺都幾好..去到富豪時有點睡意,不如恰陣啦. 一瞇埋眼,手機就收到同學仔的sms: "Hone(我的英文老師) 話今日唔使上英文堂"
..................
下一堂係1:30-3:30pm,無理由o係學校等5個鐘架,唯有死死地氣o係新城市落車搭邨巴番屋企,12點先再返學...
我係咪應該think in a good way,「好彩架巴士未過城隧,未去到荃灣」?
沒有留言:
張貼留言